Lid

Grand Island er eit norsk band, som har gitt ut tri album. Eg hadde aldri høyrt om dei inntil nyleg, då eg tilfeldigvis kom over «Suffer, Lid, min kjære» feat. Janove Ottesen på Spotify. Det er ein snodig liten sang (ikkje berre fordi den går på norsk/engelsk), og snodig er jo rett opp i mi gate. Fantastisk fin og fengande song.

Songen er frå albumet «Songs from Östra Knoll 1:22» (2010), som også inneheld eit fint og snodig coverbilete og albumnamn.

Biletet er lenka til kjelda.

Til tørk

Klerne luktar. Ei raud klesklype her, ein jakke der, ei blå klesklype her, ei bukse der. Vinden vaskar det reint.

Eg får ikkje pusta, så ut i vinden med meg òg. Ei grøn klesklype på kvar skulder, der; så blir eg nok rein til i morgon. Ver så snill å bretta meg saman når du tar meg inn, så held eg meg fin litt lenger.

My Maudlin Career (2009)

Sentimentalt og tåredryppande

Eg høyrte litt på bandet Camera Obscura for eit par år sia (fint namn!), men forsto ikkje heilt greia (ganske kjedeleg).

No har eg funne det nye albumet deira frå 2009 – «My Maudlin Career», som er noko heilt anna, og rett i mi gate. Fin musikk, fint cover og eg liker ordet «maudlin» («sentimentalt, tåredryppande»). Fint!